1Ch 10 | ABGk | STEP | και αλλόφυλοι επολέμησαν προς τον Ισραήλ και έφυγεν ανήρ Ισραήλ από προσώπου αλλοφύλων και έπεσον τραυματίαι εν όρει Γελβουέ

1 Chronicles 10

CHAPTER 10 The Philistines Kill Saul and His Sons

1 και αλλόφυλοι επολέμησαν προς τον Ισραήλ και έφυγεν ανήρ Ισραήλ από προσώπου αλλοφύλων και έπεσον τραυματίαι εν όρει Γελβουέ 2 και κατεδίωξαν οι αλλόφυλοι οπίσω Σαούλ και οπίσω των υιών αυτού και επάταξαν οι αλλόφυλοι τον Ιωναθάν και τον Αβιναδάβ και τον Μελχισουέ υιούς Σαούλ 3 και εβαρύνθη ο πόλεμος επί Σαούλ και εύρον αυτόν οι τοξόται εν τόξοις και πόνοις και επόνεσεν από των τόξων 4 και είπε Σαούλ τω αίροντι τα σκεύη αυτού σπάσαι την ρομφαίαν σου και εκκέντησόν με εν αυτή μήποτε έλθωσιν οι απερίτμητοι ούτοι και εμπαίξωσί μοι και ουκ εβούλετο ο αίρων τα σκεύη αυτού ότι εφοβείτο σφόδρα και έλαβε Σαούλ την ρομφαίαν και επέπεσεν επ΄ αυτήν 5 και είδεν ο αίρων τα σκεύη αυτού ότι απέθανε Σαούλ και επέπεσεν και αυτός επί την ρομφαίαν αυτού και απέθανε 6 και απέθανε Σαούλ και οι τρεις υιοί αυτού και όλος ο οίκος αυτού ομοθυμαδόν απέθανε 7 και είδε πας ανήρ Ισραήλ ο εν τω κοιλάδι ότι έφυγεν Ισραήλ και ότι απέθανε Σαούλ και οι υιοί αυτού και κατέλιπον τας πόλεις αυτών και έφυγον και ήλθον οι αλλόφυλοι και κατώκησαν εν αυταίς 8 και εγένετο τη επαύριον ήλθον οι αλλόφυλοι του σκυλεύσαι τους τραυματίας και εύρον τον Σαούλ και τους υιούς αυτού πεπτωκότας εν τω όρει Γελβουέ 9 και εξέδυσαν αυτόν και ήραν την κεφαλήν αυτού και τα σκεύη αυτού και εξαπέστειλαν οι αλλόφυλοι εις γην κύκλω του ευαγγελίσασθαι εν τοις οίκοις των ειδώλων αυτών και τω λαώ αυτών 10 και έθηκαν τα σκεύη αυτού εν οίκω του θεού αυτών και την κεφαλήν αυτού έπηξαν εν τω οίκω Δαγών 11 και ήκουσαν πάντες οι κατοικούντες Ιαβής Γαλαάδ πάντα α εποίησαν οι αλλόφυλοι τω Σαούλ και τοις υιοίς αυτού και τω Ισραήλ 12 και ανέστησαν εκ Γαλαάδ πας ανήρ δυνατός και ήλθον και έλαβον το σώμα Σαούλ και τα σώματα των υιών αυτού και ήνεγκαν αυτά εις Ιαβής και έθαψαν τα οστά αυτών υπό την δρυν εν Ιαβής και ενήστευσαν επτά ημέρας 13 και απέθανε Σαούλ εν ταις ανομίαις αυτού αις ηνόμησε εν κυρίω κατά τον λόγον κυρίου διότι ουκ εφύλαξεν αυτόν και ότι επηρώτησε εν τη εγγαστριμύθω του εκζητήσαι 14 και ουκ εξεζήτησεν εν κυρίω και απέκτεινεν αυτόν και επέστρεψε την βασιλείαν τω Δαυίδ υιώ Ιεσσαί